«Astana» velokomandasynyń kapıtany «Djıro d'Italııanyń» jarys jolynan shyǵyp qaldy
ASTANA. QazAqparat - "Astana" velokomandasynyń kapıtany ıtalıandyq sportshy Mıkele Skarponı "Djıro d'Italııa" kópkúndiginen shyǵyp qaldy.
Skarponı 17-kezeń jarysyna qatysýdan bas tartýdy sheshipti. Italıandyq sportshy jarys barysynda birqatar jaraqattar alǵan bolatyn. Kapıtandyq 15-kezeńde jeńiske jetken Fabıo Arýǵa buıyrdy.
"Bunyń aldyndaǵy kezeńderde qulap qalyp, birneshe jaraqattar aldym. Arqamdaǵy jáne moıyn tustaǵy jaraqat ýaqyt ótken saıyn tipti shydatar emes. Bul tipti múmkin emes kezeńder boldy - joldaǵy qar men sýdyń kólemi tym kóp", - deıdi Skarponı "Astana" saıtynda jarııalaǵan sózinde.
Sonymen birge bul kezeńge Alessandro Petakkı (mega Pharma - Quick Step), gollandııalyq Tomas Dekker (Garmin) shyqpaı qaldy.
Óz kezeginde Fabıo Arý jalpy esepte 6-orynda keledi.
