«Astana» velokomandasynyń 2011 jylǵy jarys maýsymyna arnalǵan lıtsenzııany alýy 20 qarasha kúni sheshiledi

Bul týraly búgin Astanaǵa issaparmen kelgen komandanyń sport dırektory Djýzeppe Martınellı aıtty.

BAQ-tarda «Astana» komandasy 2011 jylǵy maýsymnyń lıtsenzııasy úshin tólenetin qarajatty tolyǵymen ótemeýine baılanysty lıtsenzııaǵa qol jetkize almaýy múmkin degen aqparat taraǵan bolatyn.

D. Martınellıdiń aıtýynsha, lıtsenzııa aınalasyndaǵy másele komandanyń qarjylyq jaǵyna esh qatysy joq. «Qujattardyń biri birneshe saǵatqa keshigip jetti. Endi resmı aqparattar 20 qarasha kúni belgili bolady», - deıdi ol.

Qazaqstandyq ujymnyń sport dırektorynyń aıtqanyndaı, sol kúni lıtsenzııa jónindegi jaıt bir «Astana» klýby úshin ǵana emes, barlyq komandalar úshin de sheshimin tappaq.

«Búgingi tańda tek 4 komandanyń qorytyndylary belgili. Qalǵan komandalar 20 qarashada jaýap alady», - dep atap kórsetti D. Martınellı.