«Astana» velokomandasynan Tour Down Under kópkúndigine kimder qatysady
NUR-SULTAN. QazAqparat - «Astana» velokomandasynyń «Tour Down Under» dástúrli kópkúndik jarysyna qatysatyn quramy belgili boldy, dep habarlaıdy QazAqparat komandanyń baspasóz qyzmetine silteme jasap.
Veloshabandozdar komandasy óziniń 15-shi mereıtoılyq maýsymyn 21-26 qańtar aralyǵynda Aýstralııada ótetin «Tour Down Under» dástúrli kópkúndigine qatysýdan bastaıdy.
Sondaı-aq, «astanalyqtar» «Shvalbe Klassık: Adelaıda» jarys-krıterıýmynda baq synaıdy. Ol dástúr boıynsha kópkúndiktiń negizgi startynyń aldynda ótkiziledi. Krıterıým 19 qańtarda bastalady dep josparlanyp otyr.
Komanda quramy: Manýele Boaro, Laýrens De Vrız, Danııl Fomınyh, Dmıtrıı Grýzdev, Fabıo Fellıne, Omar Fraıle jáne Lýıs Leon Sanches.
Jarys kezindegi sport dırektory - Stefano Zanını.
