«Astana» velokomandasyn A.Vınokýrov basqarmaq
TANA. 21 qyrkúıek. QazAqparat /Arman Asqarov/ - Qazaqstannyń belgili veloshabandozy Aleksandr Vınokýrov aldaǵy ýaqytta «Astana» komandasyn basqaratyn bolady.
Búgin Astanada ótken baspasóz máslıhatynda jýrnalısterge suhbat bergen Aleksandr Vınokýrov atap kórsetkendeı, kúni keshe ǵana ol Qazaqstannyń velosport federatsııasynyń basshysy Qaırat Kelimbetovpen kezdesken. Sol kezde Q.Kelimbetov «Astana» komandasynyń basshylyǵyna A.Vınokýrovtyń kelýin qalaıtyndyǵyn bildirdi. «Federatsııa basshylyǵy bul máseleni buǵan deıin de kótergen bolatyn. Men óz qyzmetimdi jalǵastyratynyma qýanyshtymyn. Sebebi ózimniń sport jolymdy sońǵy jaraqat alýmen aıaqtaǵym kelmeıdi. Árıne, ázirshe men «Týr de Frans» sııaqty belesterdi alym dep maqsat qoıa almaımyn. Eń birinshi kezekte kelesi kezeńge daıyndalý qajet dep oılaımyn. Odan keıin komanda saıasatyna aralasý da meniń mindetime kiretin bolady. Biz «Astana» komandasyn alǵashqy 15-tikte saqtap qalýǵa tyrysamyz», - deıdi A.Vınokýrov.
Búgingi jalpy upaı sany jaǵynan A.Vınokýrov «Astana» komandasynyń kóshbasshysy bolyp sanalady. Aldaǵy ýaqytta ol «Astana» komandasynyń tizginin óz qolyna alsa, komandasynyń sport dırektory Dmıtrıı Sedýn «Astana-2» jastar komandasyna jetekshilik etetin bolady.
