«Astana» velokomandasy jańa shabandozben kelisim-shart jasasty
ASTANA. QazAqparat - «Astana Pro Team» velokomandasy estondyq shabandoz Reın Taaramıaemen kelisim-shart jasasty, dep habarlady astanafans.com portaly.
«Biz 2015 jylǵa Reın Taaramıaemen kelisim-shart jasasqanymyzdy qýanyshpen habarlaımyz. Estonııalyq sportshy bizdiń quramdaǵy tamasha tolyǵý bolmaq jáne biz «Astana Pro Team» komandasynda ol óziniń múmkindigin barynsha keńinen kórsetedi dep senemiz. Ol sondaı-aq óziniń dosy jáne jerlesi Tanel Kangert sııaqty órge qaraı shyqqanda Vınchentso Nıbalı men Fabıý Arýǵa jaqsy kómektese alady» - portal qazaqstandyq komandanyń bas menedjeri Aleksandr Vınokýrovtyń osylaı degen sózin keltirgen.
Taaramıae 2015 jylǵy maýsymǵa komandamen kelisim-shartqa otyrǵan besinshi shabandoz boldy.
