«Astana» velokomandasy jańa quramyn tanystyrdy
ASTANA. QazAqparat - «Astana» velokomandasynyń jattyǵýlary ótip jatqan Ispanııanyń Altea qalasynda komanda 2019 jylǵy maýsymda Álemdik týrǵa qatysatyn jańa quramyn tanystyrdy. Bul týraly velokoımandanyń resmı saıtyna silteme jasap «SPORTINFORM» habarlady.
Bul - «Astana» komandasy úshin álemdik velosporttaǵy 14-shi maýsym bolmaq.
«Biz tájirıbe men jastyq shaq qosylyp tamasha úılestirilgen quramdy jınaqtadyq dep oılaımyn. Kelesi jyly Grand-týrlarda, kópkúndikterde jáne klassıkalyq jarystarda jeńiske jetýimizge múmkindik beretin birqatar pozıtsııalarymyzdy nyǵaıttyq. Bıylǵy jyl komandamyz úshin tabysty boldy - jarysýshylarymyz 33 jeńiske qol jetkizip, 62 júldeli oryn aldy. Mıgel Anhel Lopes «Djıro» men «Výeltadaǵy» Grand-týrlar podıýmdaryna eki ret shyqqan. Jańa maýsymdaǵy maqsatymyz - ony odan da kóp tabyspen ótkizý. Onyń barlyǵy qoldan keledi dep oılaımyn. Basty maqsattardyń arasynda Grand týrlar men Álemdik týrdyń aptalyq kópkúndikterine qatysý bar», - dep bólisti Aleksandr Vınokýrov.
Resmı tanystyrylymda «Astana» komandasy 9 jańa oıynshysyn atady. 2019 jyldyń 1 qańtarynan bastap komandaǵa ıÝrıı Natarov (Qazaqstan), Ion Izagırre (Ispanııa), Gorka Izagırre (Ispanııa), Davıde Ballerını (Italııa), Manýele Boaro (Italııa), Merhavı Kýdýs (Erıtreıa), Ionas Vılslı (Danııa), Rodrıgo Kontreras (Kolýmbııa) jáne Ernando Boorkes (Kolýmbııa) qosylady.
2019 jyly «Astana» komandasynyń 28 adamnan turatyn tolyq quramy osyndaı bolmaq:
Davıde Ballerını (Italııa), Pelo Bılbao (Ispanııa), Jandos Bıjigitov (Qazaqstan), Manýele Boaro (Italııa), Ernando Boorkes (Kolýmbııa), Darıo Kataldo (Italııa), Rodrıgo Kontreras (Kolýmbııa), Magnýs Kort (Danııa), Laýrens De Vrız (Belgııa), Danııl Fomınyh (Qazaqstan), Omar Fraıle (Ispanııa), ıAkob Fýlsang (Danııa), Evgenıı Gıdıch (Qazaqstan), Ionas Vılslı (Danııa), Dmıtrıı Grýzdev (Qazaqstan), ıAn Hırt (Chehııa), Ýgo Ýl (Kanada), Ion Izagırre (Ispanııa), Gorka Izagırre (Ispanııa), Merhavı Kýdýs (Erıtreıa), Mıgel Anhel Lopes (Kolýmbııa), Alekseı Lýtsenko (Qazaqstan), Natarov (Qazaqstan), Lýıs Leon Sanches (Ispanııa), Nıkıta Stalnov (Qazaqstan), Davıde Vıllella (Italııa), Artem Zaharov (Qazaqstan) jáne Andreı Zeıts (Qazaqstan).
2019 jyly jarystarda komandany myna sporttyq dırektorlar basqarady:
Dmıtrıı Fofonov (sporttyq menedjer), Aleksandr Shefer, Dmıtrıı Sedýn, Stefano Zanını, Lars Mıhaelsen, Sergeı ıAkovlev, Asan Bazaev, Brýno Chenıalta jáne Djýzeppe Martınellı.
