«Astana» velokomandasy jańa quramyn tanystyrdy
«Prezıdenttik klýb komandalarynyń jeńisi arqasynda elimizdi búkil álem biledi. «Astana» komandasyn tamasha jetistikterimen quttyqtaımyn. Aleksandr Vınokýrovtyń aıtýynsha, osy jolǵy velosport juldyzdarynyń 30 paıyzdan astamy elordalyq klýbtyń sapynda bir kezderi óner kórsetken nemese qazirde óner kórsetetin veloshabandozdardan jasaqtalǵan. «Astana» komandasyna jańa jeńister tileımin», - dedi saltanatty sharada sóz sóılegen QR Mádenıet jáne sport mınıstri Arystanbek Muhamedıuly.
Sonymen aldaǵy sporttyq maýsymda kásibı velokomandanyń sapynda 30 sportshy óner kórsetedi. Olardyń qatarynda Magnýs Kort (Danııa), Omar Fraıle (Ispanııa), Evgenıı Gıdıch (Qazaqstan), ıAn Hırt (Chehııa), Ýgo Ýle (Kanada) jáne Davıde Vıllelıa (Italııa) syndy 6 sportshy komanda qataryna qaıtadan qosylyp otyr. Jalpy jańa quramdaǵy 10 sportshy qazaqstandyq ekendigin atap ótken jón.
Resmı shara barysynda «Astana» prezıdenttik klýby óziniń sporttyq jobalaryna rebrendıng jasaǵandyǵyn jáne klýbtyń túbegeıli ıdeologııasyn ózgertkendigin jarııa etti. Endigi ýaqytta elordalyq klýbtyń sporttyq jobalary «Astana» degen jazýy bar bir ataýmen jáne biryńǵaı logotıppen óner kórsetetin bolady. Sondaı-aq sportshylardyń kıimderi de bir dızaınmen, bir túspen tigiledi.
Klýbtyń ótken maýsymdaǵy qorytyndysyn shyǵaryp, aldaǵy jyldaǵy negizgi maqsatyn jarııa etken komandanyń bas menedjeri Aleksandr Vınokýrov ta osy jyly álemdik týrlarda da, grand-týrlarda da zor jetistikter bolǵanyn atap ótti.
«Ásirese, qazaqstandyq veloshabandozdardyń jetistikteri qýantady. Búgingi tusaýkeserde biz komandamyz úshin jańa maýsymdy resmı túrde ashamyz. Jańa jylda jańarǵan komandamen óner kórsetetin bolamyz. Onda tek qana grand-týrlarǵa ǵana emes, aptalyq jáne klassıkalyq jarystarǵa da basa nazar aýdaratyn bolamyz», - dedi ol.
Aıta keterligi, 2017 jyly «Astana» kásibı velokomandasy álemdik velosporttyń kúntizbesindegi jarystardyń 20-synda jeńiske jetip, 25 márte júldeli oryndardan kórindi. Jalpy osy ýaqytqa deıin komanda 286 ret jeńiske jetken.
