«Astana» velokomandasy UCI reıtıngisinde 5 satyǵa kóterildi
ASTANA. 27 mamyr. QazAqparat - «Astana» qazaqstandyq velokomandasy Halyqaralyq veloshabandozdar odaǵynyń (UCI) jańartylǵan reıtıngisinde 11-shi satydan 6-shy orynǵa kóterildi.
Bul týraly Vesti.kz jazady.
Enshisindegi 865 upaımen Brıtandyq Sky Procycling quramasy birinshi oryndy saqtap qaldy. Reseılik «Katıýsha» (681 upaı) ekinshi, ıspandyq Movistar (602) úshinshi satyǵa jaıǵasty. Qazaqstandyq qurama 473 upaı jınaǵan.
Jeke reıtıngte «Djıro d'Italııada» jeńimpaz tanylǵan «Astananyń» kapıtany ıtalıandyq Vınchentso Nıbalı 20-shy satydan 2-shige kóterildi. Sportshy tizimniń kóshbasshysy shveıtsar Fabıan Kanchellarǵa (RadioShack-Leopard) 29 upaı boıynsha ese jiberip otyr. Úshinshi saty slovakııalyq Peter Saganǵa (Cannondale Pro Cycling Team) buıyrdy.
Ulttyq reıtıngte 766 upaımen kolýmbııalyqtar birinshi oryndy ıelenip otyr. Italıandyqtar 720 upaımen 5-den 2-shi orynǵa kóterildi. Al birden eki pozıtsııany joǵaltqan ıspandyqtar 707 upaımen - úshinshi orynda. Qazaqstandyq veloshabandozdar tórt upaımen tizimniń 29-ynshy satysyna jaıǵasty.
