«Astana» velokomandasy «Týr de Frans» kezeńindegi jeńisin elorda kúnine arnady

ASTANA. QazAqparat - Aleksandr Vınokýrov «Týr de Frans» kópkúndiginiń besinshi kezeńindegi Fabıo Arýdyń jeńisin Astana kúnine arnady, dep habarlaıdy QazAqparat.

«Biz osy kezeńge erekshe daıyndaldyq. Birinshiden, bul «Týr de Frans» sary jeıdesine tartysta kóp nárseni aıqyndaıtyn alǵashqy taýdaǵy kezeń. Ekinshiden, kezeńniń erekshelikteri Fabıo Arýǵa saı keletin. Sonymen qatar biz Qazaqstan elordasynyń 20 jyldyq mereıtoıy jáne el prezıdentiniń týǵan kúni qarsańynda ádemi jeńiske jetýdi tiledik. Bizdiń elimizde úlken meıram, biz jeńisimizdi barsha qazaqstandyqtarǵa arnaımyz!»- dedi «Astana» klýbynyń bas menedjeri Aleksandr Vınokýrov.

Esake sala ketsek, Italııa chempıony, «Astana» komandasynyń veloshabandozy Fabıo Arý «Týr de Frans» kópkúndiginiń besinshi kezeńinde tamasha jeńiske jetti. Arý 160,5 km qashyqtyqty eńserip, La-Plansh-de-Bel-Fıı asýynyń basyndaǵy aralyq márege ózi jalǵyz jetken bolatyn.

«Sóre aldynda men márege 3 shaqyrym qalǵanda alǵa ozýdy kózdegenmin. Men jarysta sharshamadym, sońǵy shaqyrymdarda bar kúshimdi saldym. Úmitim aqtaldy. Armanym oryndaldy. Óıtkeni men «Djıro d'Italııa» men «Výelte Ispanııa» jarystarynda jeńiske jettim, sondaı-aq «Týr de Frans» kezeńinde de birinshi bolǵym keletin. Búgingi jeńisimmen toqtalyp qalmaımyn, aldymda barlyq kópkúndik máresi tur. Men oǵan barymdy salamyn. Búgin osy jeńisti atap ótýimiz kerek», - dedi Fabıo Arý.

FOTO/astanaproteam.kz