«Astana» velokomandasy qaza tapqan veloshabandozyna qurmet kórsetti
ALMATY. QazAqparat - «Astana» velokomandasy jaqynda qaza tapqan veloshabandoz Mıkele Skarponıdiń jarys nómirin eshkimge bermeı, oǵan qurmet kórsetti. Osylaısha, Djıro d'Italııa básekesinde komanda quramynda 8 shabandoz óner kórsetpek, dep habarlaıdy QazAqparat tilshisi.
«Mıkele oqıǵasy qaıǵyly jaǵdaı. Ondaıdy eshkim kútken de joq, buǵan sený de qıyn. Bul komandaǵa aýyr soqqy boldy. Mıkele «Djırodaǵy» bizdiń kóshbasshymyz bolýy kerek edi. Sondyqtan, biz Mıkeleniń ornyna komanda quramynan eshkimdi qoımadyq. Onyń saıystaǵy nómirin eshkimge bermeı, ornyn qaldyrdyq. Mıkele bizben birge bolatynyna senemiz, onyń jarys nómirin saqtaımyz», - dep málim etti komandanyń baspasóz qyzmeti.
Osymen 100-shi ret ótkeli otyrǵan Djıro d'Italııa aldaǵy juma, 5 mamyr kúni bastalady.
Eske sala keteıik, Djıro d'Italııa-2011 saıysynyń jeńimpazy, «Astana» komandasynyń veloshabandozy Mıkele Skarponı Fılottrano qalasyndaǵy úıiniń mańynda jattyǵý barysynda qaıǵyly jaǵdaıǵa ushyrap, qaza tapty . Ony joldyń qıylysynda shaǵyn avtobýs qaǵyp ketken. 37 jastaǵy sportshynyń artynda áıeli eki balasy qaldy.
