«Astana» velokomandasy Ispanııadaǵy jarysqa qatysýda
ALMATY. 18 aqpan. QazAqparat - Ispanııada 17-21 aqpan kúnderi velosporttan «Rýta del Sol» jarysy ótedi.
Onda qazaqstandyq kásipqoı «Pro Team Astana» veloklýbynan 6 shabandoz qatysýda. Keshe 6 shaqyrymdyq betashar synda danııalyq ıAkob Fýlsang - 14-shi, shvetsııalyq Fredrık Kessıakoff - 15-shi, slovenııalyq ıAnets Braıkovıch - 29-shy, belgııalyq Kevın Zeeldreıers - 71-shi, ıtalııandyq Franchesko Gavatstsı - 96-shy jáne onyń otandasy Enrıko Gasparatto 112-shi orynda keldi.
«Astanalyqtardyń» baspasóz qyzmetinen habarlaǵandaı, ıAnets Braıkovıch joldyń birinshi jartysynda komandalyq áriptesterine qaraǵanda jyldam bolǵan. Kadıs shyǵanaǵyndaǵy San Fernando aılaǵyn boılaı ótken jarys jolynda kezdesetin 8 birdeı aınalmaly joldy jańbyr jaýyp turǵanda joǵarǵy jyldamdyqta júrip ótý tym qaýipti. Sondyqtan ol jarty jolda jyldamdyǵyn tómendetýge májbúr boldy.
Al betashar syndy ıspan ókili Alehandro Valverde jeńip, ol dúısenbi kúngi alǵashqy kezeńdi jeńimpaz jıdesin kıip bastaıdy.
Búgin endi 130 shaqyrymǵa sozylǵan jarys jolynda sportshylar bir sanatqa jatqyzylǵan taýdy baǵyndyrmaq. Al máre taýdan tómen qaraı quldılaıtyn jolda Ýbrıkede belgilengen. Eger barlyǵy oıdaǵydaı bolsa, astanalyqtar bul joly shabýylǵa kóshpek.
