«Astana» velokomandasy Giro d'Italya saıysynda jeńiske jetti
ASTANA. 7 maýsym. QazAqparat - Búgin «Astana» velokomandasynyń áıgili Djıro de Italııa velosaıysyndaǵy jeńisti jetistikterin qorytyndylaý boıynsha ótkizilgen baspasóz-konferentsııasynda QR velosport Federatsııasynyń Prezıdenti Qaırat Kelimbetov pen «Samuryq-Qazyna» UÁQ (komandanyń negizgi demeýshisi) Basqarýshy dırektory Darhan Qaletaev velokomandanyń jetistikteri ǵana emes, bolashaqtaǵy josparlary da týraly aqparattarmen bólisti.
Bul týraly QR Velosport Federatsııasy habarlady.
QR Velosport Federatsııasynyń basqarýyndaǵy «Astana» (Proteam Astana) kásibı komandasy Djıro de Italııa (Giro d'Italya) saıysyna qatysqan 23 komandanyń arasynda top jaryp, eń júırik komanda retinde jeńiske jetti. «Astana» komandasynyń qurmetine Mılannyń ortalyǵyndaǵy Djıro de Italııa minberinde Qazaqstan Respblıkasynyń ánurany shyrqaldy. Bul- Ánurannyń tuńǵysh ret velosport saıysynda oryndalýy.
QR Velosport Federatsııasynyń Prezıdenti Qaırat Kelimbetov atap ótkendeı, «Astana velokomandasy óte erekshe joba. Osy velokomandanyń arqasynda elmen, eldiń ınvestıtsııalyq múmkindikterimen, týrıstik múmkindikterimen tanysýǵa múmkindik týdy. Jalpy, joba, Qazaqstannyń óte sátti sporttyq, jalpy PR-jobalarynyń biri.
Munan ózge, «Astana» komandasynyń saıystaǵy lıderi, cheh veloshabandozy Roman KROITsIGER eń úzdik jas shabandoz retinde - aq jeıdeni jeńip aldy. Al komandanyń kelesi bir veloshabandozy Paolo TIRALONGO kóp kúnge sozylatyn saıystyń fınıshine 2 kún qalǵanda Bergamo jáne Makýnıaga qalalarynyń arasyndaǵy qashyqtyq-saıystyń eń qıyn kezeńinde jeńiske jetti.
QR Velosport Federatsııasy komandanyń Djıro de Italııa saıysyndaǵy kórsetken ónerine qanaǵattandy. Aıta keterligi: «Astana» komandasy osy maýsymda óz qataryn biraz jastarmen tolyqtyrǵan edi. Djıro saıysyndaǵy joǵarǵy jetistikke qol jetkizýge komandanyń bas treneri, Team manager Djýzeppe MARTINELLIdiń sińirgen eńbegi zor. Búkil álemniń velosportshylary Martınellıdiń Astana komandasyn jetistikke jetkizý jolyndaǵy eńbegine tamsandy.
Endi komandanyń aldynda taǵy bir jarys bar. Ol «Týr de Frans» saıysy. Bul saıysta qazaqstandyq sportshy, álemge áıgili veloshabandoz Aleksandr Vınokýrov komandanyń kapıtany bolady.
«Astana» komandasy búkil qazaqstandyq velosporttyń damýyna yqpal etip otyrǵan komanda. Osy jyldyń mamyr aıynan bastap, jas, talantty veloshabandozdarǵa stıpendııa taǵaıyndalyp, berilip bastady. «Astana» Qazaqstannyń dańǵyl joldaǵy jarysqa jáne velotrektegi jarysqa yńǵaılanǵan ulttyq quramalardy formamen jáne zamanaýı sporttyq ınventarmen qamtamasyz etip otyr.
2011 jyldyń naýryz aıynda «Astana-trek» atty kásibı trek komandasy tirkeldi. Ol komandanyń da bas demeýshisi «Samuryq-Qazyna» UÁQ. Komandanyń bas baspkeri qazaqstandyq maman Valerıı Kravchenko.
