«Astana» velokomandasy ekstremaldy rolıkti kópshilik nazaryna usyndy
ASTANA. QazAqparat - «Pro Team Astana» velokomandasy ekstremaldy janrda túsirilgen rolıkti kópshilik nazaryna usyndy. Onda velosıpedpen qaýipti trıýkter jasaǵan Vıttorıo Brýmottıdiń jankúıerleri keremet vıdeonyń kýási boldy, dep habarlaıdy QazAqparat.
Esterińizge sala keteıik, 2016 jyly belgili veloekstremalshy Vıttorıo Brýmottı «Pro Team Astana» velokomandasynyń múshesi atanǵan bolatyn.
36 jastaǵy ıtalıandyq Brýmottı Gınness kitabynda birneshe márte rekord ornatqan bolatyn. Osy oraıda ol bıik kópirlerde, baspaldaqtarda ómirge qaýipti trıýkter jasaǵan edi.
Vıttorıo Brýmottı Italııanyń atynan EKSPO-2015 kezinde óner kórsetken edi. Endi ol Astanadaǵy EKSPO-2017 kórmesine qatyspaq, sondaı-aq veloekstremalshy Dýbaıdaǵy EKSPO-2020 sharasyna shaqyrtý alǵan eken.
Onyń sózine qaraǵanda, osy arqyly ol Dúnıejúzilik EKSPO kórmesin nasıhattaýǵa yqpal etýde. «Men úsh EKSPO men úsh eldi baılanystyryp turmyn, ıaǵnı Italııa, Qazaqstan jáne Dýbaı»,-dedi ol sheteldik BAQ ókilderine bergen suhbatynda.
Brýmottı jarııalaǵan rolıkter birden keńinen taralady. Ótken jyly onyń vıdeosynyń birin 35 mln. adam tamashalaǵan bolatyn.
Byltyr Astanada veloshabandoz Vıttorıo Brýmottı qar ústinde trıýk kórsetken edi .
