«Astana» velokomandasy 2015 jylǵy álemdik týrǵa lıtsenzııa aldy
ASTANA. QazAqparat - "Astana" velokomandasy 2015 jylǵy álemdik týrǵa lıtsenzııa aldy, dep habarlady Vesti.kz halyqaralyq velosıpedshiler odaǵyna (UCI) silteme jasap.
Alaıda UCI qazaqstandyq komandada aýdıt júrgizedi dep kútken jón. Uıym prezıdenti Braıan Kýksonnyń sózine qaraǵanda, lıtsenzııalyq komıssııa baıandamasy «Astana» quramasyna dopıngti júıeli paıdalaný jónindegi jańa aıyptaýlar paıda bolǵanǵa deıin keldi. Komıssııa aǵaıyndy Maksım men Valentın Iglınskıılerden Erıtropoetınniń (EPO), sonymen qatar komanda stajery Ilıa Davıdenoktan steroıd tabylý faktilerin anyqtaǵan.
Alaıda bul kúni Gazzetta Dello Sport jańa baıandamany jarııalady. Onda doktor Mıkele Ferrarımen baılanysy bar "Astananyń" 38 veloshabandozy atalǵan. Olardyń úsheýi 2014 jyly, qalǵandary aldyńǵy maýsymdarda komanda quramynda bolǵan.
