«Astana» velokomandasy 2011 maýsymy qarsańynda quramyn kúsheıtýde
ASTANA. Tamyzdyń 24-i. QazAqparat - «Astana» velokomandasynyń menedjmenti quramanyń jańa veleshabandozdarmen tolyǵa túskendigin jarııalap otyr. Ekijyldyq kelisimshartqa Reseıdiń birneshe márte chempıony Evgenıı Petrovpen, Akvıldegi (Djıro dı Italııa 2010) kezeńniń jeńimpazy horvattyq Robert Kıserlovskımen qol qoıyldy.
Sonymen qatar velokomandanyń taratqan aqparaty boıynsha, birjyldyq kelisimshart estondyq sportshy Tanel Kangert pen ıtalııandyq Franchesko Maskıarellımen de jasalǵan.
Anyqtama: Evgenıı Petrov, 32 jasta - Reseıdiń eń tıtýldy ári qurmetti veloshabandozdarynyń biri. Reseıdiń birneshe márte chempıony, álem jáne Eýropa chempıonattarynyń jeńimpazy, 2 Olımpıada oıyndaryna qatysty. 8 jyl kásibı sheteldik komandanyń quramynda óner kórsetti. Sońǵy 4 jylda reseılik «Katıýsha» velokomandasynyń quramynda boldy.
Robert Kıserlovskı, 24 jasta - Liquigas - Doimo quramynda óner kórsetti. GP Palio del Recioto (2006) jarysynda jeńiske jetken. Aǵymdaǵy jyly TTT komandasynyń quramynda Giro d'Italia jáne Giro dell'Appennino jarystarynda jeńimpaz atandy.
Tanel Kangert, 23 jasta - 2010 jylǵy Estonııa chempıony, frantsýzdyq «EC Saint-Etienne Loire» komandasynyń quramynda jarys jolyna shyqqan.
