«Astana» veloklýbynyń quramyna tanymal eki veloshabandoz enýi múmkin
ANA. 6 maýsym. QazAqparat - «Astana» veloklýby aǵymdaǵy aptada attary álemge tanymal eki shabandozben kelisimshartqa otyrýy múmkin. Bul týraly «Samuryq-Qazyna» Ulttyq ál-aýqat qorynyń basqarýshy dırektory Darhan Káletaev aıtty.
«Ústimizdegi aptada kelissózder aıaqtalyp, attary álemge áıgili eki veloshabandozben kelisimshart jasalýy múmkin. Árıne, veloshabandozdardyń halyqaralyq odaǵynyń (UCI) erejesine sáıkes Týr de Frans-tyń sońyna deıin ol qupııa saqtalady jáne sol ýaqytqa deıin eshbir aqparat jarııalanbaıdy. Ol veloshabandozdar UCI jarysyna qatysýshylar reıtıngisiniń aldyńǵy bestigine kiredi», - dedi D.Káletaev «Astana» velokomandasynyń fan-saıtyna shyqqan suhbatta.
Káletaevtyń sózine qaraǵanda, birqatar belgili raıderlerden usynystar tústi. «Biraq áńgime «Astana» velokomandasy týraly bolǵanda barlyǵynyń «tábeti» ashylyp, úlken qalamaqylar suraıdy. Men aıtyp ótkenimdeı, bul memlekettiń, bıýdjettiń aqshasy, sondyqtan ony ońdy-soldy shashýǵa bolmaıdy. Asyqpaı oılaný qajet», - dedi ol.
Aıta keteıik, buǵan deıin jekemenshik demeýshiler qoldap kelgen «Astana» veloklýbyn sońǵy eki jylda memleket óz qamqorlyǵyna aldy.
Al komandaǵa ıspandyq Alberto Kantodor alynýy múmkin be? degen suraqqa D.Káletaev: «Bolmaıtyn esh nárse joq, barlyǵy múmkin», - dep jaýap qaıyrdy.
Onyń aıtýynsha, qazir klýb basshylaryna malaızııalyq áriptester komandany Malaızııada ótetin Langkavı Týryna qatystyrý usynysyn jasady. Sebebi, «Astana» - Pro-Týrdaǵy jalǵyz azııalyq komanda. «Astanany» óz jarystarynda kórgisi keletinder kóp, sebebi komandada brend, ataq jáne dáreje bar. «Astananyń» bolashaǵy jarqyn, komanda jas bolǵandyqtan, úmit óte joǵary», - dep túıindedi D.Káletaev.
Taıaýda álemdegi eń kóne, ári bedeli joǵary kópkúndik jarys - Djıro d'Italııanyń 94-shi jarysy aıaqtaldy. «Astana» komandasynyń kóshbasshysy chehııalyq jas shabandoz Roman Kroıtsıger Mılanda eń úzdik jas veloshabandozdyń aq maıkasy - «malııa bıankany» kıdi. Komandanyń qorynda komandalyq eseptegi birinshi oryn jáne taýly kezeńdegi jeńis bar, ony ıtalıandyq kásipqoı jarysker Paolo Tıralongo alyp bergen bolatyn.
