Astana úılerine merziminen buryn jylý berile bastady

ASTANA. QazAqparat - Elordada kún raıynyń sýytýyna baılanysty jylytý maýsymy merziminen buryn bastaldy, dep habarlaıdy QazAqparat.

Astana ákimdiginiń resmı saıtynda málim etilgendeı, búgin kóppáterli úıler jylý júıesine qosyla bastady.

Qaladaǵy áleýmettik nysandarǵa (medıtsına mekemeleri, mektepter, balabaqshalar, sport nysandary jáne taǵy basqasy) jylý 27 qyrkúıekte berilgen bolatyn.

Aıta keteıik, turǵyn úı alaptaryn gazdandyrý jumystary jalǵasyp jatyr. Almaty jáne Saryarqa aýdandary úılerdi gazǵa qosý múmkindigimen tolyq qamtamasyz etilgen.

Jeke sektor turǵyndary úshin kómir satatyn kompanııalar anyqtaldy. Baǵanyń ósýine jol bermeý maqsatynda kompanııalarmen kómir qunyn bekitý týraly tıisti memorandýmdar jasaldy. 109 nómiri boıynsha «shuǵyl jeli» jumys isteıdi, onda tuıyqtyqtaǵy (týpık) kómirdiń qory jáne baǵasy týraly bilýge bolady.