Astana úshin adamı kapıtaldy qalyptastyrý mańyzdy bolmaq - N. Nazarbaev
nbsp;Sáýirdiń 2-si. QazAqparat /Qanat Mámetqazyuly/ - Aldaǵy ýaqytta Astana iri halyqaralyq masshtabtaǵy ınnovatsııalyq ortalyqqa aınalýy tıis.
Búgin Astana qalasynyń aldaǵy damýy jónindegi sáýlet-qurylys keńesi barysynda Memleket basshysy Nursultan Nazarbaev osylaı málim etti, dep habarlaıdy QazAqparat.
«Aldaǵy ýaqytta Astana iri halyqaralyq masshtabtaǵy ınnovatsııalyq ortalyqqa aınalýy qajet. Astana bolashaq ekonomıkalyq ósimniń naǵyz ortalyǵyna, ıntellektýaldyq áleýet ortalyǵyna aınalýy shart. Men bul baǵytta bárin jasaýǵa tyrysamyn. Elordada eń úzdik medıtsınalyq kadrlar, eń myqty ǵalymdar qyzmet etetin bolady, ınstıtýty bitiýshi úzdik túlekter de osynda toptasýy shart. Halyqaralyq ýnıversıtet qoldanysqa engizilgennen bastap biz úshin shetelge bilim alýǵa balalardy jiberýdiń qajeti de bolmaı qalady. Astanada oqyp-aq balalar sondaı dıplom alatyn bolady. Sondyqtan da eń aldymen Astana úshin adamı kapıtaldy qalyptastyrý mańyzdy bolmaq», dedi N. Nazarbaev.
