Astana-Úsharal reısi ashylady
ASTANA. QazAqparat - Búgin Alakólge jaqyn ornalasqan Almaty oblysyndaǵy Úsharal qalasyna Astanadan bortynda jolaýshylary bar birinshi ushaq ushady. Bul týraly Feısbýkte Qazaqstan Respýblıkasy Investıtsııalar jáne damý mınıstrliginiń resmı ókili Murat Jumanbaı habarlady.
Úkimet Alakóldegi týrızmdi damytýǵa, kólikter úshin joldyń ashylýyn jaqsartý maqsatynda respýblıkalyq bıýdjetten osy avıamarshrýtyn sýbsıdııalaýǵa qarjy bóldi.
Reısterdi Úsharal áýejaıy qabyldaıtyn bolady, onyń qurylysy jaqynda aıaqtalǵan. Ol jolaýshylardy tirkeý men tekserý úshin qajetti qurylyǵylarmen jabdyqtalǵan. Budan bólek, Almaty oblysynyń ákimdigi ushý-qoný jolaǵyndaǵy jóndeý-qurylys, jermen júrý joldaryn, perrondy jabdyqtaý jumystaryn aıaqtady.
