«Astana» ýnıversıteti tekserýge kedergi jasaǵany úshin 200 AEK kóleminde aıyppul tóleıdi
Bul týraly QR Bilim jáne ǵylym mınıstrligi Bilim jáne ǵylym salasyndaǵy sapany qamtamasyz etý komıtetiniń tóraǵasy Gúlzat Kóbenova aıtyp berdi.
«Astana» ýnıversıtetinde tekserý júrgizýge bir jylda eki ret áreket jasaldy. Stýdentterdiń ótinishi negizinde tekserý tirkeldi. Komıssııa tekserýge shyqty. Alaıda ýnıversıtet tarapynan ǵımaratqa kirýge kedergi jasaldy. Kedergi jasaý boıynsha sot protsesi búgingi kúni aıaqtaldy. Ýnıversıtet ákimshilik aıyppul túrinde ákimshilik jaýapqa tartyldy», - dedi komıtet basshysy Ortalyq kommýnıkatsııalar qyzmetinde ótken brıfıngte.
Onyń aıtýynsha, ekinshi tekserý bıylǵy kóktemde profılaktıkalyq baqylaý retinde josparly negizde ótýi tıis edi. Alaıda, ýnıversıtet qajetti qujattardy bermeı, tekserýge kedergi keltirdi. Onda da ýnıversıtet ákimshilik jaýapqa tartylǵan.
«Osyǵan baılanysty ýnıversıtette eshqandaı tekserý júrgizilgen joq. Biraq osy ýnıversıtettiń bıylǵy túlekteri dıplomdardyn ýaqytyly ala almady. Sebebi ýnıversıtet bıylǵy tamyz aıynda ǵana akkredıtatsııadan ótken. Tıisinshe, túlekter magıstratýraǵa túse almady, birden jumysqa ornalasa almady», - dedi G. Kóbenova.
Qyrkúıek aıynda QR Bilim jáne ǵylym mınıstrligi «Astana» ýnıversıtetine jospardan tys tekserýdi bastaǵan edi, oǵan 14 stýdenttiń shaǵymy negiz boldy.
