Astana UQShU Ujymdyq qaýipsizdik keńesiniń kezekti sessııasyn ótkizýge daıyn
ASTANA. KAZINFORM — Astana UQShU Ujymdyq qaýipsizdik keńesiniń kezekti sessııasyn ótkizýge daıyn, dep habarlaıdy Aqordanyń baspasóz qyzmeti.
Qazaqstan Respýblıkasy Prezıdentiniń baspasóz qyzmeti UQShU sammıtiniń aldynda sýrettermen bólisti.
Eske salsaq, búgin Qazaqstan Prezıdenti Qasym-Jomart Toqaevtyń tóraǵalyǵymen UQShU Ujymdyq qaýipsizdik keńesiniń kezekti sessııasy ótedi. Jıynda aımaqtyq jáne halyqaralyq qaýipsizdiktiń negizgi máseleleri talqylanady.
Otyrys qorytyndysy boıynsha birqatar qujatqa qol qoıylady.
Aıta keteıik, keshe Qazaqstan Respýblıkasynyń Prezıdenti Qasym-Jomart Toqaevtyń shaqyrýymen Reseı Federatsııasynyń Prezıdenti Vladımır Pýtın elimizge memlekettik saparmen keldi.
Sonymen qatar, Belarýs Prezıdenti Aleksandr Lýkashenko Qazaqstanǵa jumys saparymen kelgeni habarlandy.
Budan bólek, Qyrǵyzstan prezıdenti Sadyr Japarovtyń da kelgeni málim boldy.
Búgin Astana qalasyna Tájikstan prezıdenti Emomalı Rahmon kelgeni belgili boldy.