«Astana» Tvýmasıdiń La Lıga klýbyna transferin rásimdeýge jaqyn
ASTANA. QazAqparat - «Astananyń» shabýylshysy Patrık Tvýmasıdiń ıspanııalyq «Alaves» klýbyna aýysýyna qatysty kelissózder aıtarlyqtaı alǵa jyljydy. Bul týraly Sports.kz Graphic.com.gh. saıtyna silteme jasap habarlady.
«Graphic Sports Tvýmasıdiń klýby - «Astana» men «Alaves» arasyndaǵy kelissózder sharyqtaý kezeńinde ekenin rastaıdy. Jáne ganalyq fýtbolshy jeke kelisimsharttyń sharttaryn kelisý úshin jýyq arada Ispanııaǵa ushyp shyǵady dep kútilýde», - dep jazady basylym.
«Astana» Tvýmasıdiń klýbtaǵy ornyn bosatýdy oılastyryp jatqany týraly buǵan deıin belgili bolǵan edi. Biraq onyń resmı sebebi atalmady.
Aıta keteıik, jazda Patrık Tvýmasıge taǵy bir klýb - túrkııalyq «Geztepe» qyzyqqan bolatyn. Biraq «Astana» onyń usynysyn qabyl almady.
