Astana týrnırinde qos qazaqstandyq tennısshi shırek fınalǵa joldama aldy
ASTANA. KAZINFORM — Astana qalasynda Beeline Arena ulttyq tennıs ortalyǵynda World Tennis Tour M15/W15 Asu Open 2 týrnıri ótip jatyr.
Qazaqstandyq tennısshilerden osy aptada jekeleı synda Damır Jalǵasbaı men Asyljan Arystanbekova sátti óner kórsetip jatyr.
Erler arasynda 18 jastaǵy Damır aldymen álemniń 805-raketkasy, reseılik Grıgorıı Shebekındi 6:3, 6:4 esebimen jeńdi.
D.Jalǵasbaı ekinshi aınalymda reıtıngide 1 001-oryndaǵy taǵy bir reseılik Nıkıta ıAnınnen basym tústi – 6:3, 6:3.
Áıelder arasynda reıtıngide 946-satydaǵy, 20 jastaǵy Asyljan Arystanbekova alǵashqy aınalymda álemniń 651-raketkasy, reseılik Ekaterına Týpytsınany joldan taıdyrdy – 7:6 (7:5), 4:6, 6:1.
Asyljan búgin reıtıngide 1 201-oryndaǵy aýstrııalyq Lıel Rotenshtaınermen de tartysty kezdesý ótkizdi. Qazaqstandyq tennısshi kambekpen jeńiske jete bildi – 3:6, 6:2, 6:4.
D.Jalǵasbaı men A.Arystanbekovanyń kelesi qarsylastary keıin belgili bolady.
Basqa qazaqstandyq tennısshiler jekeleı synda shırek fınalǵa deıin jete almady.
Eske sala keteıik, budan buryn Elena Rybakınanyń Toronto týrnırindegi tartysty matchta jeńiske jetkenin jazǵan edik. Sondaı-aq Sonıa Jıenbaeva jekeleı synda Ispanııadaǵy týrnırdiń shırek fınalyna shyqty.
Almatyda jasóspirimder arasynda Rolan Garros týrnıriniń irikteý saıysy ótedi.
