Astana týrnıri: Qazaqstandyq tennısshiler chempıondyq ataqqa talasady
ASTANA. KAZINFORM — Astanada Prezıdent kýbogy aıasynda ótip jatqan halyqaralyq týrnırde juptyq synda qazaqstandyq tennısshiler fınalda oınaıdy.
Erler arasynda M15 týrnırinde Danııal Rahmatýllaev pen Damır Jalǵasbaı sońǵy básekege joldama aldy.
Qazaqstandyq dýet jartylaı fınalda japonııalyqtar ıÝ Tanaka –Sakı Tangeni 6:3, 6:4 esebimen tize búktirdi.
D.Rahmatýllaev – D.Jalǵasbaı fınalda jarystyń 1-raketkalary, japonııalyqtar Sora Fýkýda – Sıýnsýke Mıtsýımen chempıondyq ataqty sarapqa salady.
Áıelder arasynda W15 dodasynda juptyq synda Arýjan Saǵyndyqova reseılik Darıa Zelınskaıamen birge jartylaı fınalda tartysty básekede týrnırdiń 1-raketkalary, ońtústikkoreıalyqtar Hıre Im – Ynche Kımdi kambekpen joldan taıdyrdy – 1:6, 6:4, 10:3.
A.Saǵyndyqova – D.Zelınskaıa fınalda ekinshi raketka bolyp tirkelgen japonııalyqtar ıÝka Hosokı – Kısa Esıokamen sheberlik talastyrady. Bul japonııalyq jup jartylaı fınalda qazaqstandyqtar Erkejan Arystanbekova – Janel Rústemovany qapy qaldyrdy – 6:4, 6:2.
Eske sala keteıik, budan buryn Jibek Qulambaevanyń Ispanııadaǵy jarystyń jartylaı fınalynda oınaıtynyn jazǵan edik.
Bıllı Djın Kıng kýbogynyń fınaldyq kezeńine qatysatyn Qazaqstan quramasy anyqtaldy.
Sondaı-aq úsh qazaqstandyq tennısshi Astana týrnıriniń jartylaı fınalyna joldama aldy.
