Astana túrli daryndar men talanttardyń ordasyna aınalýy kerek
«Qoǵam túzelýi úshin adam túzelýi kerek, deıdi qazaq. Ár adam óz qarym-qabiletine saı óner tabýy, ómirlik maqsat jolynda erinbeı eńbek etýi óte mańyzdy. Ásirese kúsh-qaıraty tasyǵan, aqyl-oıy tolysqan jastarǵa artar júk kóp, úmit zor. Bıylǵy 2019 jyl - Elbasymyzdyń bastamasymen «Jastar jyly» bolyp jarııalandy. Jas adamnyń boıyna tán qasıet - maksımalızm. Endeshe, 2019 jyl - qolǵa alynǵan áleýmettik baǵdarlamalardy maksımaldy túrde iske asyratyn jyl. Astana turǵyndarynyń ómirin jaqsartýǵa baǵyttalǵan naqty qadamdarǵa qoryqpaı baryp, múmkindikterdi barynsha paıdalanýymyz kerek. Onyń ústine, Elbasymyz bizdiń aldymyzǵa naqty talaptar qoıyp otyr. Astana - túrli daryndar men talanttardyń ordasyna aınalýy kerek. Bul Elbasymyzdyń artyp otyrǵan mindeti», - dedi B.Sultanov.
Osy oraıda ákim jaqynda Jastar isi jónindegi keńestiń jıynyna qatysqanyn atap ótti.
«Onda jastarmen pikirlesip, túrli múmkindikterdi ekshedik, mańyzdy basymdyqtardy anyqtadyq. Sóıtip, Elbasymyzdyń bizge qoıǵan talaptaryna saı, «Astana jastary-2019» jol kartasyn ázirledik. Qujatqa engen sharalar jastardy demep jiberý, durys baǵytqa jeteleý jáne boıyndaǵy talantyn tanyp, tamyryn jaıýyna jaǵdaı jasaý», - dedi qala basshysy.
