«Astana - túrki áleminiń mádenı astanasy» jyly aıasynda elordada 30-ǵa jýyq shara ótedi

Bul týraly búgin Úkimettiń selektorlyq otyrysynda QR Mádenıet jáne aqparat mınıstri Darhan Myńbaı málim etti.

Aǵymdaǵy jyly Astana túrki álemi men dostastyqtyń mádenı astanasy retinde atap ótilip jatqandyǵyna toqtalǵan ol: «Jyl boıynda «Jańa myńjyldyqtaǵy jańa astana» taqyrybymen fotosýretshilerdiń halyqaralyq kezdesýi, músinshilerdiń besinshi kezdesýi, qazaqstandaǵy Ázerbaıjan kúnderi, folklorlyq bı toptarynyń festıvali, «Astana tóńiregindegi myńjyldyq» kóshpeli órkenıeti festıvali josparlanǵan», - dedi ol.

Mınıstrdiń sózine qaraǵanda, TÚRKSOI-ǵa múshe 14 eldiń arasynda Qazaqstan elordasy eń birinshi bolyp mádenı astana retinde jarııalanǵan. Osyǵan oraı, jyl sońyna deıin 30-ǵa jýyq aýqymdy is-sharany uıymdastyrý josparlanyp otyr.