Astana turǵynynyń sany 785 myńnan asty
ASTANA. 27 mamyr. QazAqparat - Astana turǵynynyń sany 2013 jyldyń 1 sáýirinde 785 716 adam boldy. Onyń ishinde Almaty aýdanynda - 363 990 (46,3%), Esil aýdanynda -105 170 (13,4%), Saryarqa aýdanynda - 316 556 (40,3%) adam turady, dep habarlaıdy qalalyq Statıstıka basqarmasy.
2013 jyldyń alǵashqy aıymen salystyrǵanda elorda turǵynynyń sany 7476 adamǵa ósken. Onyń ishinde Almaty aýdany boıynsha - 255, Esil aýdanynda - 2427, Saryarqa aýdanynda - 4794 azamatqa artty. Bir atap kórseterligi, úsh aıda Astanada halyqtyń tabıǵı ósimi - 4092 adam, kóshi-qon ósimi - 3384 adam boldy.
astana.kz saıtynyń jazýynsha, ótken jyldyń qańtar-naýryz aılarymen salystyrǵanda halyq sany 12,8%-ǵa ósip, 4092 adamdy qurady.
«2013 jyldyń qańtar-naýryz aılarynda Astana qalasynda dúnıege kelgen 4978 sábı tirkelse, bul ótken jyldan 10,4% óskenin aıqyndaıdy. Osy ýaqyt aralyǵynda qalada 886 adam ómirden ozǵan. Bul 2012 jyldyń qańtar-naýryz aıymen salystyrǵanda 0,5% artyq»,-dep habarlaıdy vedomstvo.
Qańtar-naýryz aılarynda 1 jasqa deıingi shetinegen 43 sábı tirkelse, bul 2012 jylmen salystyrǵanda 11 jaǵdaıǵa kem. Bir jasqa deıingi sábılerdiń ólim koeffıtsıenti 1000 balaǵa shaqqanda 8,64 ( 2012 jyldyń qańtar-naýryz aılarynda 11,97) boldy.
Turǵyndar arasyndaǵy ólimniń negizgi sebepterdiń biri - burynǵysynsha qan aınalymynyń buzylýy aýrýy - 39,0%, basqa da aýrýlar - 17,5%, tosyn oqıǵalar men ýlaný jáne jaraqat alý - 14,6%.
2013 jylǵy qańtar-naýryz aılarynda nekege turý úshin AHAT organdaryna tirkelgender sany ótken jyldyń osy kezeńimen salystyrǵanda 10,8%, aıyrylysqandar sany - 5,2% ósken.
