Astana turǵynynyń páterine qaraqshylyq shabýyl jasaǵan kúdikti tutqyndaldy - QR ІІM
ASTANA. 18 mamyr. QazAqparat /Jasulan Amanbaıuly/ - Astanada páterge basa-kóktep, úı ıesin pyshaqpen qorqytyp, 580 myń teńgesi men altyn buıymdaryn ıelenip ketken kúdikti polıtseılerdiń qolyna tústi.
Bul týraly búgin brıfıng barysynda QR ІІM-niń Memlekettik til saıasaty jáne aqparat departamenti bastyǵynyń orynbasary Qalamqas Temirova málim etti.
Búgin, baspasóz máslıhatynda onyń 24 jastaǵy jergilikti turǵyn ekeni aıtyldy.
Atalǵan azamat esiktiń qulybyn syndyryp, páterge kirdi jáne 25 jastaǵy jábirlenýshini pyshaqpen qorqytyp, 580 myń teńgesi men altyn buıymdaryn ıelenip ketti dep kúdiktelýde. Odan aıǵaq zattar alynǵan.
«Kúdikti ýaqytsha ustaý abaqtysyna qamaýǵa alynyp, onyń osyǵan uqsas basqa da qylmystarǵa qatystylyǵy tekserilýde», - deıdi Q. Temirova.
