Astana turǵynynyń bankten alǵan nesıesin urlaǵan kúdikti ustaldy
ASTANA. QazAqparat - Astanada bankten nesıe alǵan áıeldiń qolyndaǵy aqshasyn urlaǵan kúdikti ustaldy, dep habarlaıdy QazAqparat qalalyq polıtsııa departamentiniń baspasóz qyzmetine silteme jasap.
«Tergeý boljamy boıynsha, kúdikti elordalyq bank fılıaldarynyń birinde nesıe alyp jatqan tulǵalardy qarap shyqqan. Solardyń birin tańdap, sońyna túsken. Nesıe alǵan áıeldiń izinen qalmaı, úıiniń aýlasynda aqsha salynǵan sómkesin qolynan julyp alyp qashqan» delingen habarlamada.
Tergep-tekserý barysynda kýáger qaskúnemdi anyqtaýǵa jáne tanýǵa kómektesti. Nátıjesinde 29 jastaǵy er adam ustalyp, Astana qalalyq PD ýaqytsha ustaý ızolıatoryna qamaýǵa alyndy. Ol jasaǵan isin moıyndady.
Tonaý faktisi boıynsha sotqa deıingi tergep-tekserý júrgizilýde. Onyń osyǵan uqsas basqa qylmystarǵa qatysy bar-joǵy tekserilip jatyr.
Atalǵan azamattyń áreketinen zardap shekkender Astana qalasynyń PD júginýge nemese 71-61-51, 8-702-740-90-00, 102 telefondaryna habarlasýyna bolady. 
