Astana turǵynyn aldap ketken alaıaq izdestirilýde
ASTANA. QazAqparat - Elordanyń tártip saqshylary kóshede beıtanys áıeldi aldap, aqshasyn alyp ketken alaıaqty izdestirip jatyr, dep habarlaıdy «QazAqparat» HAA tilshisi Astana qalasynyń ІІD baspasóz qyzmetine silteme jasap.
«Elordanyń tártip saqshylary alaıaqtyq babyna sáıkes kúdiktini ustaý boıynsha jedel izdestirý sharalaryn júrgizip jatyr. Quqyq qorǵaýshylar turǵyndardan atalǵan kúdiktini qolǵa túsirý úshin kómektesýin suraıdy. Astana qalasy turǵyny belgisiz er adamnyń Seıfýlın kóshesinde ózin aldap, aqshasyn alyp ketkenin habarlaǵan. Atalǵan fakt boıynsha «Saryarqa» aýdandyq ІІB-da QR qylmystyq kodeksiniń 190-baby (alaıaqtyq) boıynsha sotqa deıingi tergeý amaldary bastaldy», - delingen habarlamada.
Atalǵan jaǵdaıǵa qatysty jasy 40-42 shamasyndaǵy, orta boıly er adam izdestirilýde. Ol qara tústi kúrte, qara bas kıim kıgen. Kózinde kórý múmkindigine qaraı kıgen kózildirigi bar.
Astana qalasynyń ІІD azamattarǵa atalmysh jaǵdaıǵa qatysty qandaı da bir aqparat bolsa, «Saryarqa» aýdandyq ІІB-na, (87172)71-66-10, 71-66-11, 71-66-41 teelfondaryna habar berýdi suraıdy.
Sonymen qatar, Astana polıtsııasy alaıaqtardyń aldanyp qalmas úshin elordalyqtardy saq bolýǵa shaqyrady.
