Astana turǵyny joǵalǵan ámııanyn úılený toıy kúninde tapty
ASTANA. QazAqparat - Astana qalalyq ІІD tabylǵan zattar bıýrosyna kóliginen aqsha men qujattar salynǵan ámııan taýyp alǵan elorda turǵyny júgingen. Bul jaıynda Astana qalalyq ІІD baspasóz qyzmetinen málim etti, dep habarlaıdy QazAqparat tilshisi.
A.Qurmanǵalıevtiń aıtýynsha, taıaýda tún ishinde jas jigitti dittegen jerine jetkizgen. Ol kólikten túsken kezde qujattary, bank, dıskont kartalary men aqshasy salynǵan ámııanyn qaldyryp ketken.
Júrgizýshi belgisiz adam qaldyryp ketken ámııandy Astana qalalyq ishki ister departamentiniń tabylǵan zattar bıýrosyna aparyp tapsyrǵan. Bıýro qyzmetkeri Irına Rýdenko tirkeý derekteri arqyly ámııan ıesi Áset Saparjanovtyń baılanys telefonyn tapqan. Ásettiń uıaly telefonyna qońyraý jalǵan bıýro qyzmetkeri ámııanynyń tabylǵanyn habarlaǵan.
Áset Saparjanovtyń sózine qaraǵanda, qujattary men aqshasy salynǵan ámııanyn dál úılený toıy kúninde qaıtaryp bergen. Ol muny jaqsylyqqa balap, otbasylyq ómiriniń baqytty bolaryna senimdi. Áset adamgershilik tanytyp, joǵaltyp alǵan ámııanyn aqshasymen birge qaıtarǵan júrgizýshige, jedel áreket jasaǵan polıtsııa qyzmetkerine rızashylyǵyn bildiredi.
Astana qalalyq ishki ister departamentinde tabylǵan zattar bıýrosy jumys isteıdi. Bul bólimge tabylǵan zattarmen qatar joǵalǵan túrli qujattar týraly aqparattar da túsip otyrady. Aıta keterligi, joǵalǵan qujattardy qaıta qalpyna keltirý úshin qajetti anyqtamany bıýro tegin beredi.
Astana qalalyq ІІD tabylǵan zattar bıýrosy Beıbitshilik kóshesi 19 úıde ornalasqan. Jumys kestesi: 08.30 - 18.30, túski úzilis - 12.30 -14.30. Jumys telefony: 95-15-49.
