Astana turǵyny jarty keli geroınmen ustaldy
ASTANA. QazAqparat - Qaraǵandy qalasynda elorda turǵyny jarty keli geroınmen ustaldy. Bul týraly QR ІІM Memlekettik til jáne aqparat departamentiniń dırektory Almas Sadýbaev aıtty, dep habarlaıdy QazAqparat tilshisi.
«13 tamyz kúni Astana qalasynyń Іshki ister departamenti Esirtki bıznesimen kúres basqarmasynyń qyzmetkerleri júrgizgen jedel izdestirý sharasy barysynda Qaraǵandy qalasynyń aýmaǵynan buǵan deıin sotty bolǵan elordalyq turǵyn ustaldy. Onyń jeke zattaryn tekserý barysynda shamamen jarty keli geroın tabylyp, tárkilendi», - dedi departament basshysy.
Onyń sózine qaraǵanda, qazirgi ýaqytta odan ary tergeý sharalary júrgizilip jatyr.
