Astana turǵyny jaldamaly páterde seks-prıton uıymdastyrǵan

ASTANA. QazAqparat – Astanada jaldamaly páterde seks-prıton uıymdastyrǵan áıel ustaldy, dep habarlaıdy QazAqparat Rolisia.kz-ke silteme jasap habarlaıdy.

«Saryarqa aýdany ákimdigi men prokýratýranyń úılestirýimen polıtsııa qyzmetkerleri qala turǵyndarynyń birneshe ret jasaǵan shaǵymynan keıin reıdter júrgizdi.

Reıd ótkizý barysynda Saryarqa aýdanynyń jedel qyzmetkerleri jaldamaly páterde prıton uıymdastyrǵan 45 jastaǵy áıeldi anyqtady. Ol 16 myń teńge kólemindegi aqshalaı syıaqy úshin klıentterdi áıeldermen tabystyrǵan.

Atalǵan faktige qatysty jezókshelikpen aınalysý úshin prıtondy uıymdastyrý jáne ony ustaý boıynsha qylmystyq is qozǵaldy.

Sot sanktsııasymen áıelge qatysty «úıqamaqqa alý» bultartpaý sharasy qoldanyldy», - delingen polıtsııa málimetinde.