Astana turǵyny «Vkontakte» áleýmettik jelisinde dinı arazdyqty qozdyrǵany úshin 6 jylǵa sottaldy
Astana qalasynyń turǵyny B., «Vkontakte» áleýmettik jelisinde óziniń akkaýntyn ashyp, kompıýterlik klýbta jáne uıaly telefon arqyly ıslam memleketi terrorıstik uıymy týraly vıdeorolıkter qarap, ony kóshirip, ol týraly pikirlerin bildirip, hat jazysqan.
Áleýmettik jelini paıdalanýshynyń jeke paraqtaryndaǵy aqparattar "qarýly djıhad" týraly negizgi prıntsıptermen erejelerdi tyńdaýshyǵa jetkizý jáne ony túsindirýge baǵyttalǵan, onymen qosa jelini paıdalanýshynyń sózderinde "kápirlerge" qarsy teris is-áreketterdi oıatý oryn alǵan. Aıtylǵan sózder tyńdaýshylardy basqa dinı aǵym ókilderine qarsy arandatyp, "qarýly djıhad" qurýǵa shaqyrady.
Áleýmettik jelidegi paıdalanýshylar arasyndaǵy Internet hat almasý barysyndaǵy sózder, mýsylman dinin ýaǵyzdamaıtyndarǵa (kápirler) jáne dinnen alystaǵandarǵa qarsy zorlyq-zombylyq qajettigin kórsetedi.
Bul kórinis onyń radıkaldyq máni bar ekenin naqtylaıdy.
21 vıdeorolıktiń mazmuny, adamdarǵa qarsy qarýly kúsh qoldaný, terrorıstik aktiler jáne ǵımarattardy, kólikterdi jarýdy kórsetedi, sonymen qatar adamdardyń ómiri men qaýipsizdigine terrorıstik qaýip-qater tóndirý belgileri bar.
Saryarqa aýdandyq №2 sotynyń 2015 jylǵy 26 qarashadaǵy úkimimen qala turǵyny B. Qazaqstan Respýblıkasy Qylmystyq Kodikstiń 174-babynyń 2-bóligi, 256-babynyń 2-bóligimen kináli dep tabylyp, múlki tárkilenip, 6 jylǵa bas bostandyǵynan aıyrylýǵa sottaldy.
2016 jyly 26 qańtarda Astana qalasy qylmystyq ister boıynsha apellıatsııalyq sot alqasy sot úkimin ózgerissiz, sottalǵannyń apellıatsııalyq shaǵymy qanaǵattandyrýsyz qaldyryldy, dep habarlaıdy Astana qalasy prokýratýrasynyń baspasóz qyzmeti.
Úkim zańdy kúshine endi.