Astana turǵyny urlanǵan mashınasy jaıly aqparat úshin 2 mln teńge tikti
ASTANA. QazAqparat - Astana turǵyny urlanǵan mashınasynyń qaıda turǵany jaıly aqparat úshin 2 mln teńge ýáde etti, dep habarlaıdy «QazAqparat» HAA tilshisi.
Sapar Shámshıev áleýmettik jelide jarııalaǵan habarlama ınternetti sharlap ketti.
Onyń aıtýynsha, qara tústi Lexus LX 570, memlekettik tirkeý nómiri 050 RSA 01, VIN-kody JTJHY00W704083545 mashınasyn 25 jeltoqsannan 26-syna qaraǵan túnde Kúıshi Dına kóshesi, 25/2-úıdiń aýlasynan urlap ketken.
Habarlamanyń avtory urylar kem degende ekeý bolǵanyna senimdi. Óıtkeni olar beınebaqylaý kamerasyna túsip qalǵan. Olar sıgnalızatsııadan málimet alatyn arnaıy baǵdarlamany paıdalanǵan.
«Sońǵy ret mashınany Baıyrqum kóshesindegi (qalaǵa qaraı) kamera túsirip alǵan. Qara tústi beıtanys Lexus LX 570-tiń bárine nazar aýdarýlaryńyzdy jáne kúdikti mashınalar týraly 87770010203, 87770010188 nemese 102 nómirlerine habar berýlerińizdi suraımyn. Ótinish, eger Kókshetaý, Qaraǵandy, Petropavl, Pavlodar, Qostanaı, Almaty, Aqtóbe, Aqtaý, Shymkent jáne basqa da shekara mańyndaǵy qalalarda tanystaryńyz bolsa, osy habarlamany jiberińizdershi. Mashına turǵan jer týraly habar úshin 2 000 000 teńge syıaqy berýge ýáde beremin», - dep jazdy Sapar Shamshıev Feısbýkte.
