Astana turǵyny turǵyn úı podezinen kartınalardy urlaǵan
NUR-SULTAN. QazAqparat – Polıtsııaǵa «Manhetton» turǵyn úı kesheniniń turǵyndarynan aryz tústi, dep habarlaıdy QazAqparat Nur-Sultan qalasynyń Polıtsııa departamentine silteme jasap.
Olardyń aıtýynsha, belgisiz bireý birinshi qabatta qabyrǵada ilinip turǵan eki sýretti urlap ketken.
Nur-Sultan qalasynyń Polıtsııa departamenti «Esil» aýdandyq poıtsııa basqarmasy qylmystyq isti tekserý bóliminiń qyzmetkerleri júrgizgen is-shara barysynda 24 jastaǵy Astana turǵyny ustaldy. Jas jigit kinásin moıyndap túsinik berdi jáne kartınalardy qaıtarǵan. Onyń aıtýynsha, ol sol sátte mas bolǵan jáne ádemi dúnıege qyzyǵyp ketken. Sondaı-aq azamat istegen isine ókinetinin málim etti.
Osy fakt boıynsha QR QK 188-baby 1-tarmaǵy boıynsha sotqa deıingi tergeý júrip jatyr.
