Astana turǵyny turaqtaǵy 10 kóliktiń dóńgelegin sheship áketken
Qalalyq Polıtsııa departamentiniń málimetinshe, er adam turǵyn úı aýlalaryndaǵy turaqty uzaq ýaqyt boıy turyp qalǵan kólikterdi aldyn ala baıqap ketip, qylmysyn túnde jasap otyrǵan.
Mysalǵa, Mersedes Benz avtokóliginen tıtan dıskisi bar shınalardy urlap ketip, ıesine 150 myń teńgege shyǵyn keltirgen. BMW kóliginen de dóńgelekterin sheship áketken.
Urlanǵan zattardy metal qabyldaý pýnktine jáne shına montajdaý ornyna tapsyryp otyrǵan.
«Jedel izdestirý is-sharalary kezinde elordanyń 30 jastaǵy turǵyny anyqtaldy. Qazir er adam 10-nan astam kólikke urlyqqa tústi dep kúdiktelýde. Óz kinásin moıyndady, zattaı aıǵaqtar tárkilendi.QR Qylmystyq kodeksiniń 188-baby»Urlyq«boıynsha sotqa deıingi tergeý júrgizilip jatyr», - delingen polıtsııa habarlamasynda.