Astana turǵyny táýligine bir tonna qymyz óndiretin qurylǵy jasap shyǵardy
ASTANA. QazAqparat - Qazaqstanda munaıǵa baǵa túsken kezde barsha álemdi qymyzdyń dámin tatyp kórýge shaqyrǵan jón sııaqty. Osy oımen astanalyq ónertanýshy Orazbaı Nurǵojın emdik qasıeti mol sýsyndy ónerkásiptik óndirýge yńǵaıly qondyrǵy oılap tapty. Bul týraly «Ekspress K» gazeti jazdy.
Bul apparatpen sórelerde qaptap ketken Koka-kolanyń ornyn bastatyndaı mólsherde qymyz ázirleýge múmkindik bar. Kúni búginge deıin dárihanalyq shyny ydysta ázirlenetin Djon Pembertonnyń bul gazdalǵan sýsyny kúlli álemniń shólin qandyrýǵa qaýqarly dep aıtpas edim. Qymyzǵa kelsek, sýsyn burynǵysha sabamen pisiledi.
«Keıbir óndirýshiler qymyz jasaý úshin kir jýatyn mashınany paıdalanady, menińshe bul durys emes, - dedi Orazbaı Nurǵojın. - birde men tanys fermerde qonaqta boldym. Sol kezde men burynǵysha qolmen qymyz pisken áıelderdi kórdim. Olarǵa janym ashydy. Qazir jıyrma birinshi ǵasyrda ómir súremiz! Sony esten shyǵarmaǵanymyz jón».
Ol ázirlegen qurylǵyny úsh sharýashylyq qojalyǵy qoldanýda. Qymyz pisetin ydys aǵashtan jasalǵan. «Sapaly qymyz óndirý úshin aǵash ydys qajet, - dedi ol. - Qymyz aǵash ydysta ystalady. Qymyzdy pisý qolmen piskennen esh aıyrmashylyǵy joq. Mınýtyna 37 ret aınalady. Bir apparatpen táýligine bir tonna qymyz óndirýge bolady».
O. Nurǵojın qurylǵyny patenttegen. Ony paıdalaný arqyly qazaqstandyq naryqpen qosa, shetelge eksporttaý máselesin de sheshýge bolady. Batys elderi paıdaly asqa den qoıyp jatqanyn eskersek, bıe súti olardyń senimderin aqtaıtyny sózsiz.
