Astana turǵyny taksımen 5 kelige jýyq marıhýana ákele jatqan

TARAZ. QazAqparat – Jambyl oblystyq Polıtsııa departamenti patrýldik polıtsııa batalonynyń qyzmetkerleri esirtkini asa iri mólsherde saqtaǵan kúdiktini ustady, dep habarlaıdy QazAqparat tilshisi.

«Merki – Shý – Býrylbaıtal» trassasynyń 260-shaqyrymynda aýmaqty patrýldeý kezinde polıtsııa qyzmetkerleri «Honda Accord» markaly avtokóligin toqtatty. Kóliktiń bagajynan jolaýshy bolyp kele jatqan Astana qalasynyń 38 jastaǵy turǵynyna tıesili, jalpy salmaǵy 4 keli 700 gramm keptirilgen marıhýana salynǵan polıetılen paket tabyldy. Ustalǵan adam óz kinásin tolyǵymen moıyndady.

Atalǵan derekke qatysty QR Qylmystyq kodeksiniń 296-baby 4-bóligi, ıaǵnı esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý boıynsha sotqa deıingi tergep-tekserý amaldary júrgiziledi.

Osy baptyń sanktsııasy 3 jyldan 7 jylǵa deıingi merzimge bas bostandyǵynan aıyrý túrindegi jazany kózdeıdi«, - dep habarlady Jambyl oblystyq Polıtsııa departamentiniń baspasóz qyzmetinen.

Aıta keteıik, buǵan deıin Jambyl oblysynda tasjol jıeginen qarý-jaraq tabylǵanyn jazǵan bolatynbyz. Polıtseıler 16 kalıbrli «IJ» markaly tegis uńǵyly ańshy myltyǵyn, 6,62 kalıbrli «Baıkal» markaly gaz tapanshasyn, 6 patron tapqan.