Astana turǵyny sottalýshyǵa temeki fıltrine esirtki salyp bermek boldy
ASTANA. QazAqparat - Sottalýshyǵa jiberilgen zattardy tekserý kezinde ETs-166/10 mekemesiniń (Astana qalasy) qyzmetkerleri «State Line» markaly temekiniń ishinen esirtkilik zattardy anyqtaǵan, dep habarlady elordalyq QAJ departamentinen.
«Qaskóıler aýyr qylmys jasap, túrmede uzaq merzimge jazasyn ótep jatqan sottalýshyǵa esirtki jiberý úshin aılaly tásil qoldanyp, biraz eńbektengen. Esirtkilik zat toltyrylǵan birneshe ondaǵan tsellofan túıinshegi temeki fıltrlerine salynǵan. Sot-hımııalyq saraptama alynǵan túıinshekterdiń ishinde salmaǵy 26 gramnan asqan gashısh bolǵanyn anyqtady», - dep habarlady Astana qalasy boıynsha QAJ departamentinen.
Materıaldar protsessýaldyq sheshim qabyldaý úshin qylmystyq qýdalaý organdaryna jiberildi.
