Astana turǵyny reseılik nómirli kólikti metal qabyldaǵyshqa 100 myń teńgege ótkizip jibergen

NUR-SULTAN. QazAqparat – Astananyń 28 jastaǵy turǵyny polıtsııaǵa «Vaz 2115» markaly avtokóliginiń urlanǵanyn aıtyp, aryz bergen, dep habarlaıdy QazAqparat Nur-Sultan qalalyq Polıtsııa departamentiniń baspasóz qyzmetine silteme jasap.

Avtokólik ıesiniń aıtýynsha, ol qyzǵa kezdesýge kelgen, al kólikti Qoshqarbaev kóshesinde jol boıynda qaldyrǵan. Túngi ýaqytta kóliktiń sıgnal berý júıesiniń joqtyǵyn paıdalanyp, aram nıetin iske asyrýshy sáıkes keletin kiltti tańdap, kólikti aıdap ketken. Materıaldyq shyǵyn 700 myń teńgeni qurady.

Jedel izdestirý sharalaryn júrgizý barysynda kúdikti ustaldy. Elordanyń 36 jastaǵy turǵyny urlanǵan kólikti metall qabyldaǵyshqa 100 myń teńgege satyp úlgergeni anyqtaldy.

Polıtsııa qyzmetkerleri kólikti zańsyz ıemdený faktisi boıynsha QR QK 200-baby boıynsha sotqa deıingi tergeý amaldaryn júrgizýde.