Astana turǵyny páterinde eki keli geroınmen ustaldy
ASTANA. QazAqparat - Qaraǵandy týmasy elordada jalǵa alǵan páterinde 2 keli geroın saqtaǵan.
QR ІІM baspasóz qyzmetiniń habarlaýynsha, elordalyq ІІD Esirtki bıznesimen kúres basqarmasy qyzmetkerleri Astanada ýaqytsha turyp jatqan Qaraǵandy oblysynyń 1991 j.t. «F» esimdi azamatyna jeke tekseris júrgizgen kezde salmaǵy 6 gramm bolatyn geroın esirtki zatyn anyqtap, tárkiledi.
Ustalǵan azamattyń turatyn mekenjaıynda tergeý amaldaryn júrgizý barysynda ishinde untaq tárizdes zaty bar polıetılen paket tárkilendi. Sarapshylardyń shyǵarǵan qorytyndysyna sáıkes, tárkilengen zat salmaǵy 2 keli 44 gramm «geroın» esirtki zaty bolyp tanyldy. Onyń qara bazardaǵy quny 8 mln astam teńgeni quraıdy.
Atalmysh fakt QR QK 296 baby boıynsha sotqa deıingi tergeýlerdiń birińǵaı tirkeýine alyndy. ІІD Tergeý basqarmasy tergeý amaldaryn júrgizýde. Ustalǵan azamat Astana qalasy ІІD Ýaqytsha ustaý oqshaýlaǵyshyna qamaldy.
