Astana turǵyny óz saılaý ýchaskesin WhatsApp jáne Telegram messendjeri arqyly bile alady
ASTANA. QazAqparat - 43 myńnan astam astanalyq saılaýda daýys berý ýchaskelerin naqtylaý úshin qala ákimdiginiń qyzmetin paıdalanǵan, dep habarlaıdy elordanyń resmı saıty.
20 naýryzda QR Parlamenti Májilisi depýtattarynyń kezekten tys jáne Astana qalasy máslıhaty depýtattarynyń kezekti saılaýynda daýys berý ýchaskelerin naqtylaý úshin turǵyndardyń basym bóligi - 22 myńnan astamy ákimdiktiń e.astana.kz elektrondy qyzmetter veb-portalyn («Saılaý ýchaskeschin izdeý» bólimi) paıdalanǵan. Al 19 myńǵa jýyq azamat 55-66-55 nómiri boıynsha qala ákimdiginiń baılanys ortalyǵyna habarlasqan.
Astana qalasy ákimdiginiń baılanys ortalyǵy, e.astana.kz jáne astana.gov.kz veb-saıttary, qala boıynsha qoǵamdyq oryndarda ornalasqan aqparattyq dúńgirshekter, sondaı-aq, 1414 qysqa nómiri boıynsha SMS-servısinen bilýge bolady. Sondaı-aq, osy aptada elorda ákimdigi qala turǵyndaryna yńǵaıly bolýy úshin «pılottyq» rejımde WhatsApp jáne Telegram qosymshalary arqyly habar almasý úshin ınteraktıvti servısin iske qosty. Onyń nómiri - +7 (747) 955 66 55.
Atalǵan servıs ár azamatqa saılaýda daýys berý ýchaskesiniń nómirin, meken jaıyn, telefony men saılaý ýchaskesi ornalasqan ǵımaratty kórsete otyryp, daýys berý ýchaskesi týraly aqparatty usynady, sondaı-aq, elektrondy karta arqyly ǵımarattyń ornalasqan jerine silteme beredi.
