Astana turǵyny kúdikti qorap týraly «ázili» úshin jaýapqa tartylady
ASTANA. QazAqparat - Ázildegisi kelgen Astana turǵyny ózine Qazmedıaortalyǵyna kúdikti qorap jetkizý usynylǵanyn habarlady, dep habarlady Astana qalalyq ІІD-niń baspasóz qyzmeti.
10 aqpan kúni shamamen saǵat 14:00-de Astana qalalyq ІІD-niń Jedel basqarý ortalyǵyna belgisiz bireý telefon soǵyp, eki er adamnyń oǵan «QazMedıaOrtalyǵy» AQ-ǵa kartonnan jasalǵan kúdikti qorapty jetkizýdi usynǵanyn aıtty. Sharalar barysynda qaladǵy JShS-niń birinde júrgizýshi bolyp jumys isteıtin Astanyń 31 jastaǵy turǵyny anyqtalyp, ustaldy.
Túsinikteme berý kezinde ustalǵan azamat osylaısha ázildegisi kelgenin, polıtsııa tarapynan osyndaı reaktsııa bolatynyn kútpegenin moıyndady.
«Esil» aýdandyq ІІB-nyń polıtsııa qyzmetkerleri azamatty QR Ákimshilik quqyq buzýshylyqtar týraly kodeksiniń 438-babymen («Arnaıy qyzmetterdi kórineý jalǵan shaqyrtý») ákimshilik jaýapkershilikke tartyp, oǵan 30 AEK kóleminde (63 630 teńge) ákimshilik aıyppul saldy.
