Astana turǵyny Kcell kompanııasyna 335 myńnan astam teńge tóleıtin boldy
ASTANA. QazAqparat - Astana qalasyndaǵy Saryarqa aýdandyq soty Kcell uıaly baılanys operatorynyń is-áreketin zańdy dep tapty, dep habarlaıdy «QazAqparat» HAA tilshisi qalalyq sottyń baspasóz qyzmetine silteme jasap.
Іs materıaldary boıynsha, 2015 jyly jyly elorda turǵyny Dýbaıda (BAÁ) bolǵan. Shetelge shyqpas buryn ol telefonyna 4 750 teńge birlik salǵan. Atalǵan jerge jetken soń «Ksell» AQ uıaly baılanys operatorynan ETISALAT roýmıng-seriktestigin qosý týraly usynys jazylǵan habarlama kelip túsken. Alaıda, er kisi paıdalanylatyn ınternet mólsheri, roýmıng tarıfteriniń quny, uıaly telefondaǵy qosymshalardyń avtomatty jańartylýyn óshirý týraly «Ksell» AQ-nan eskertý ala otyryp, ǵalamtordy qoldana bergen. Birligin teksergen ýaqytta er kisi 335 117 teńge qaryz bolǵanyn bildi.
«Astana qalasyndaǵy Saryarqa aýdandyq soty is materıaldarymen tanysyp, «Ksell» AQ-nyń qaıta esepteý jáne 335 117 teńge kólemindegi qaryzdy qaıtarý týraly mindetteý talaptaryn qanaǵattandyrýdy qabyl almady.
Astana qalalyq apellıatsııalyq sot alqasynyń úkimimen, alǵashqy sot sheshimi ózgerýsiz qaldy. Sheshim zańdy kúshine endi», - dep habarlady sottyń baspasóz qyzmeti.
