Astana turǵyny qazaqstandyqtardy 12 mln teńgege aldaǵan

NUR-SULTAN. QazAqparat – Qazaqstan aýmaǵynda 9-15 tamyz aralyǵynda kıberqylmystyń jolyn kesýge baǵyttalǵan Anti Fraud jedel-aldyn alý is-sharasy ótip jatyr, dep habarlaıdy QazAqparat tilshisi.

Polisia.kz aqparattyq portalynyń málimetinshe, elordanyń krımınaldyq polıtsııa qyzmetkerleri eki kúnniń ishinde aqparattyq tehnologııa salasynda buǵan deıin jasalǵan 20 qylmysty áshkerelep, taǵy 18 faktini anyqtady. 8 kúdikti ustaldy.

Máselen, Túrkistan oblysynyń 20 jastaǵy turǵyny Instagram arqyly aqshany eselep beremin degen jeleýmen elorda turǵyndarynyń shamamen 10 mln teńgesin qoldy etken.

Sonymen qatar polıtsııa qyzmetkerleri 38 jastaǵy elorda turǵynyn dál osyndaı qylmysqa kúdikti retinde qamaýǵa aldy. Ol el azamattaryna shamamen 12 mln teńge shyǵyn keltirgen.

Osyǵan oraı Nur-Sultan qalalyq Polıtsııa departamenti áleýmettik jelidegi onlaın mámilememen baılanysty alaıaqtyq ınternettegi qylmystardyń eń kóp taraǵan túri ekendigin eskertip otyr.