Astana turǵyny Isekeshevke ashyq jatqan qaqpaqtar boıynsha shaǵymdandy
ASTANA. QazAqparat - Astana qalasynyń turǵyny elorda ákimi Áset Isekeshevke ashyq jatqan qudyq qaqpaqtaryna (lıýkterge) qatysty shaǵymdandy.
«Siz birinshi sýretten qandaı da bir kúdikti nárseni kórip tursyz ba? Joq, ol tipti kúndiz de kórinbeıdi. Al endi meniń azdaǵan beınetúsirilimderimdi tamashalap kórińiz. Repost qoıyp, óz isinde salaqtyq tanytqan azamattarǵa shara qabyldaýyńyzdy suraımyn. Sizden ótinish, mundaı «qaqpandardyń» mańynan alańsyz ótip ketpeńizshi»,-dep jazady óziniń Facebook-tegi paraqshasynda Astana turǵyny Azamat Qarasartov.
Post avtory ashyq jatqan qudyq qaqpaqtarynyń EKSPO aýmaǵynda ekenin atap ótti. Bul jazbaǵa Astana ákimi Áset Isekeshev jedel túrde ún qatty.
«Bul qudyqtardy búgin japty»,-dep jazdy elorda ákimi.
Alaıda, belgili bolǵynandaı, bul Astana boıynsha ashyq jatqan jalǵyz ǵana qaqpaq emes bolyp shyqty. Men jańa ǵana ashyq jatqan taǵy osyndaı qudyqtardy sýretke túsirip aldym. Ol mine, úsh táýlikten beri ashyq jatyr. Ony aqyryndap qar basyp jatyr. Erteń bular da kórinbeı qalady. Sol kúni «109» nómirine habarlastym. Men bul jaǵdaıǵa alańdaýlymyn»,-dep jazdy Azamat Qarasartov óziniń paraqshasynda.
«Shaǵymyńyzdy qabyl aldym», dep jazdy elorda basshysy Áset Isekeshov Astana qalasy turǵynynyń jazbasyna.
