Astana turǵyny ınternet-alaıaqtarǵa 155 myń dollar aýdaryp jibergen
ASTANA. QazAqparat - Astana qalasy Іshki ister departamenti halyqty ınternet-alaıaqtyq faktisi jóninde aqparattandyrady.
Astana qalasy «Almaty» aýdandyq ІІB Sh. esimdi azamatshanyń aryzy boıynsha qylmystyq is tergelýde. Azamatsha sheteldik banktiń birinen 4 000 000 eýro somasynda mınımaldy 2%-ben nesıe alý maqsatynda jalǵan komıssııa men salyqtardy tóleý úshin atalmysh banktiń qyzmetkerleri bolyp tanystyrǵan azamattarǵa 154 623 AQSh dollaryn aýdarǵan.
Osyǵan uqsas oqıǵa ınternet saıttary arqyly Anglııadan 3 besik-arba (kolıaska) men 3 shezlongqa 2 420 AQSh dollary ortaq somada tapsyrys jasap, sodan keıin tapsyrysty jetkizýshilerdiń túrli syltaýymen 16 813 AQSh dollaryn tólegen E. esimdi zardap shegýshiniń basynan ótken.
Jábirlenýshilerdi sendirý úshin alaıaqtar jalǵan tólqujattardyń kóshirmelerin, jalǵan chekter, baj tólemi týraly kedendik ruqsatnamalardyń jalǵan túrlerin salyp jiberip otyrǵan.
Astana qalasy ІІD eskertedi: tekserilgen ınternet-saıttarmen jumys jasap, taýardy alǵannan soń túgel tólem jasamaý qajet.
