Astana turǵyny elektr energııasy úshin 13 mln teńge qaryz bolyp qalǵan
ASTANA. QazAqparat - Astana turǵyny «Astanaenergosbyt» JShS-ne 13 mln teńge qaryz bolyp qalǵan, dep habarlaıdy «QazAqparat» HAA qalalyq sottyń baspasóz qyzmetine silteme jasap.
«Astanaenergosbyt» JShS Astana qalasynyń Saryarqa aýdandyq sotyna qaryz azamat tutynǵan elektr enegrııasynyń aqysyn alyp berýdi surap, shaǵym túsirgen.
«2017 jyldyń basynda «Astana-REK» AQ-nyń mamandary jaýapty azamattyń elektr energııasyn tutynýda zańbuzýshylyqtarǵa jol bergeni jóninde akt toltyrǵan. Buǵan qosa, elektr tutyný kórsetkishin ólsheý quralyna júrgizilgen tekserýler aspaptyń ishki jaǵyna zaqym kelgendigin de anyqtaǵan»,-delingen habarlamada.
Sot taratqan aqparat boıynsha, jaýap berýshi azamat ózine shaǵym túsirgenderdiń málimetterin joqqa shyǵaratyn dálelder keltirýge tyrysqan.
Sot sheshimimen «Astanaenergosbyt» JShS-ne jaýap berýshi azamattan qajetti soma alyndy.
Sot sheshimi ázirge kúshine enbegen.
