Astana turǵyny dárýmenderdiń qorapshasynda geroın tyǵyp, túrmege ótkizbek bolǵan
ASTANA. QazAqparat - Astana turǵyny dárýmenderdiń qorapshasynda geroın jasyryp, túrmege ótkizbek bolǵan, dep habarlady QR ІІM Qylmystyq atqarý komıtetiniń baspasóz qyzmetinen.
«15 tamyzda tekserý bólmesinde ETs-166/10 mekemesiniń (qatań rejım, Astana q.) qyzmetkerleri «Revıt» dárýmenderiniń qorapshasyna nazar aýdarǵan. Dárýmenderdiń arasynan dárýmenge qatty uqsaıtyn 7 tseloffan orama tabyldy. Sot-hımııalyq saraptamasynyń nátıjesinde oramalarda jalpy salmaǵy 25,5 gramdy quraıtyn geroın bolǵany anyqtaldy»,- delingen habarlamada.
Atalǵan faktiniń materıaldary protsessýaldyq sheshim qabyldaý úshin qylmystyq qýdalaý organdaryna jiberildi.
